Un xermadés de mediana idade resultou ferido grave onte pola tarde nunha aparatosa colisión entre dous coches nunha rotonda xunto á central térmica das Pontes. Tralo accidente, tivo que ser excarcerado polos bombeiros do parque do Eume.
O ferido conducía un Renault Laguna, no que tamén viaxaba a súa muller, ferida leve, cando chocou con outro turismo, un Kia cuxo condutor resultou ileso, que se incorporaba á vía pola que ía. Ambos os coches quedaron encima da glorieta.