O outono manda no calendario e iso repercute no roupeiro. A REVISTA, o caderno dos sábados, vén esta semana cargado de propostas de moda para este tempo posterior ao verán, cunha selección de pezas elegantes e un tanto formais para el e para ela. Susana López e Iván López son os nosos modelos por unhas horas. Completamos cun escaparate de calzado para elas, que este outono vén en cortes masculinos.
ESPECIAL Evento de perruquería e estética Os novos aires que trae o outono son a escusa perfecta para o primeiro evento de perruquería e estética de Lugo, abordado en varias entrevistas e informacións.
CEA E COPA CON...
Marina Cillero e a actividade Aos seus 80 anos, a presidenta da asociación Concepción Aremal mantén unha notable vida social, porque, di, "retirarse da vida activa leva á morte intelectual".
O OBXECTO FETICHE Os zapatos de Rubén Díaz Castrillón O bailarín non se separa duns zapatos de baile feitos a medida, cheos de flexibilidade a partir dun tacón necesariamente ríxido.
