martes. 19.10.2021 |
El tiempo
martes. 19.10.2021
El tiempo

Eloy Castro volve ser xulgado por estafar a un camioneiro

Asegurou que hai un complot na súa contra pediu "axuda" á Fiscalía. "Que alguén faga algo, por deus!", exclamou

Eloy Castro Castro —investigado entre outros delitos polo caso Autocentrum e a usurpación da marca John Deere— acudiu este venres de novo aos xulgados lucenses como presunto autor dun delito de estafa na venda dun camión, polo que se enfronta a dous anos e medio de cárcere. Como xa é habitual, o acusado negou de forma taxativa os feitos e asegurou que todas as transaccións comerciais que realizou estiveron amparadas en todo momento pola legalidade.

Eloy Castro entrou tranquilo na sala, contestou a todas as preguntas das acusacións, chorou supostamente emocionado ao falar dos seus empregados, e aproveitou o seu dereito á última palabra para mostrarse vítima dun complot e pedir axuda á Fiscalía. "Están a perseguirme desde o ano 2007 e levo moito tempo esperando para dicilo en sede xudicial. Que alguén faga algo, por deus!", exclamou.


Máis información na edición impresa de El Progreso deste sábado

Eloy Castro volve ser xulgado por estafar a un camioneiro
comentarios