As palabras poden dar lugar ás veces a dobres lecturas e malas interpretacións. Iso é o que ocorreu coa carta remitida polo Concello de Láncara para invitar os veciños á Festa dos Avós, que terá lugar o vindeiro domingo. O acto finalizará coa «despedida do alcalde», o que deu lugar a que moitos lancareses cresen que o rexedor, Eladio Capón, abandonaba o Concello, un rumor que se propagou por todo o municipio, aínda que o mandatario non pensa, polo menos «de momento», en dicir adeus.
Na misiva especifícase o programa do festexo, que se celebrará no polifuncional do campo da feira da Pobra de San Xiao. Entre os actos do día figuran
