O Lobo Carrasco armouna en Twitter cando intentaba encomiar á tenista Garbiñe Muguruza, que este sábado conseguiu o seu primeiro título de Grand Slam en Roland Garros.
Y si de estilo escribo, Felicidades a @GarbiMuguruza por su primer Roland Garros y por esas piernas tan maravillosas. Què estilazo!!!
— Lobo Carrasco (@lobo_carrasco) 4 de junio de 2016
O comentarista e ex-xogador do Barcelona non se limitou a felicitar á deportista polo trofeo, se non que engadiu aos seus eloxios un comentario sobre as pernas da tenista.
Esa mención superficial e allea ao extrictamente deportivo desatou a ira dun gran número de persoas, que non dubidaron en tachar de machista ao tertuliano do Chiringuito de Jugones.
Dentro do río de insultos e memes relacionados á mensaxe do Lobo Carrasco tamén existen os defensores do ex-xogador blaugrana, que consideran esaxerado o balbordo e as reaccións que provocou un comentario que, ao seu modo de ver, só pretendía afagar á deportista.
O propio protagonista da polémica respondeu ás críticas na súa conta de Twitter facendo referencia ás virtudes físicas doutros deportistas e artistas, como o futbolista Sócrates ou o cantante Michael Jackson.