A Fiscalía da Audiencia Nacional pediu ao xuíz Pablo Ruz que impute o Fútbol Club Barcelona, como persoa xurídica, por un delito fiscal na fichaxe do dianteiro brasileiro Neymar, ao considerar que o club defraudou 9,1 millóns de euros á Facenda Pública.
O fiscal José Perals fixo esta petición ao xuíz, que xa investiga ao expresidente Sandro Rosell por apropiación indebida nese mesma fichaxe, nun escrito no que afirma que un dos indicios de delito fiscal "é a existencia de contratos simulados así como a realización de operacións de 'enxeñería financeira' mediante os que se pretende cometer o engano á Facenda Pública".
A Fiscalía cifra a fraude tributaria en 9.100.800 euros, cantidade que obtén en base a que as contías das operacións derivadas das operacións da fichaxe foron 10 millóns en 2011 e 27.920.000 euros en 2013, "respecto das cales non consta que se retiveron nin abonaron as correspondentes débedas tributarias".
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
