O derbi vilalbés entre Albense e Nausti abre a sétima xornada

Partido entre el Nausti y el Albense de la pasada temporada. m.roca (aep)
photo_camera Partido entre el Nausti y el Albense de la pasada temporada. m.roca (aep)

A competición ligueira de fútbol veterano provincial regresa este fin de semana tras o parón de algo máis dun mes para disputar os cuartos de final das distinas modalidades da Copa e polas datas do Nadal. A liga retómase desta forma coa celebración da sétima xornada, tanto en Primeira como en Segunda División.

Aínda que practicamente todos os encontros disputaranse entre o sábado e o domingo, a sétima xornada de Liga abrirase xa este xoves, co derbi vilalbés entre o Albense e o Nausti Xamóns Atilano, quinto e segundo clasificado respectivamente en Primeira División. O encontro, que se disputará ás 11.30 horas no campo de Alba, prevese moi igualado, xa que ambos os conxuntos están separados por só dous puntos na clasificación.

O resto da xornada en Primeira División para os equipos da comarca completarase o fin de semana. O único conxunto que xogará en casa será o Sancovade, actual terceiro clasificado, empatado a doce puntos co Nausti. O conxunto vilalbés recibe ao Monterroso o sábado ás 16.00 horas. A esa mesma hora disputarase o Sarria FV- Illán.

O Saavedra e o Santaballés visitarán en domingo a rivais directos. Os begontinos, sétimos con dez puntos, visitan ao Rábade, cuarto con once; mentres que os vilalbeses, sextos, mediranse ao líder da categoría, o Taboada.

O partido máis interesante de Segunda División será o que disputarán os dous primeiros clasificados. O Cospeito, segundo, recibe o domingo ás 11.30 horas ao líder, o Trasnos FV.

O Montouto tratará de manter a terceira praza e seguir o ronsel do Cospeito ante o Dona Vaniri, mentres que o Castro buscará estrear a súa marcadora de puntos ante o Veteranos Sarria, que ocupa a cuarta praza. Ambos os encontros disputaranse o sábado ás 16.00 horas, nos estadios de Abadín e Castro Ribeiras de Lea, respectivamente.

Comentarios