O goberno local de Láncara presentou unha nova oferta para adquirir a antiga cámara agraria. O Concello acordou en xunta de goberno local ofrecer de novo á Xunta de Galicia 19.000 euros por este inmoble, que se atopa en Carracedo.
Hai dous anos, o Concello xa aprobara a adquisición deste edificio pola mesma contía, aínda que a proposta non foi aceptada pola Administración autonómica. En 2013, a Xunta presentou un escrito ofrecendo ao Concello a posibilidade de comprar o inmoble pagando en dez anos, cos intereses correspondentes.