O Concello de Palas liquidou as contas públicas correspondentes ao ano 2013, cun resultado positivo de 888.642,36 euros, co que o remanente de tesourería para gastos xerais pasa a ser de 1.275.222,95 euros.
Estas contas, que se presentaron durante o pleno ordinario do Concello que se celebrou onte, foron valoradas polo alcalde da localidade, o popular Pablo Taboada Camoira, que destacou «o bo resultado económico, onde o Concello rematou cun importante superávit orzamentario».
