O ansiado plan de reordenación do tráfico de Viveiro está agora só pendente da consecución do financiamento necesario para acometer a reestruturación que o goberno local, en mans do Partido Socialista, xa ten elaborado, a falta de pequenos flocos de funcionamento. A rexedora vivariense, María Loureiro, prevé manter un encontro para solicitar fondos co presidente da Deputación, José Ramón Gómez Besteiro, posto que xa descarta calquera tipo de colaboración económica por parte da Xunta, aínda que recoñece que esta sería benvida, dada a envergadura do proxecto que planifica pór en marcha o goberno municipal.
