O CGPJ elixirá o día 27 o novo presidente da Audiencia Nacional

O pleno do Consello Xeral do Poder Xudicial (CGPJ, nas súas siglas orixinais en castelán) ten previsto elixir o próximo día 27 ao novo presidente da Audiencia Nacional, cargo ao que aspiran seis candidatos que comparecerán o xoves ante a Comisión Permanente do órgano de goberno dos xuíces.

Tres candidatos son maxistrados da Audiencia Nacional: Fernando Andreu Miralles (titular do Xulgado Central de Instrución número 4), Ismael Moreno Chamorro (titular do Xulgado Central de Instrución número 2) e Javier Martínez Lázaro (maxistrado da Sala do Penal da Audiencia Nacional).

Os outros maxistrados que presentaron a súa candidatura son Ignacio Espinosa Casares (presidente do Tribunal Superior de Xustiza da Rioxa), Juan Pablo González González (maxistrado da Sección 15ª da Audiencia Provincial de Madrid e actual xuíz de enlace en Francia) e José Ramón Navarro Miranda (presidente do Tribunal Superior de Xustiza de Canarias).

A presidencia da Audiencia Nacional está vacante a causa do nomeamento o pasado 20 de decembro de Ángel Juanes como vicepresidente do Tribunal Supremo.

Comentarios