O Bloque Nacionalista Galego (BNG) demandou que tamén comparezan ante a Xustiza como imputados os "responsables" políticos da situación ferroviaria en Galicia e, en concreto, do accidente do pasado 24 de xullo en Santiago de Compostela.
Tras a decisión do xuíz instrutor de chamar aos responsables técnicos da seguridade no tramo Ourense-Santiago, o secretario de organización do Bloque, Bieito Lobeira, lamentou que normalmente se limiten as responsabilidades penais ao ámbito técnico, cando "o abandono histórico" do ferrocarril en Galicia débese a decisións "políticas", que situou, neste caso, no Ministerio de Fomento.
En conferencia de prensa convocada por outro asunto e a preguntas dos xornalistas, o dirixente nacionalista dixo que "o Goberno central vendeunos un tren de alta velocidade", como está documentado, e iso "non é verdade", denunciou.
En referencia ao obxecto da súa comparecencia, a convocatoria dunha manifestación en setembro en defensa da soberanía de Galicia, Lobeira afirmou que "Galicia tamén é unha colonia a efectos ferroviarios".
Dianteiro do Friol
Daniel Roca Couso marcou un hat trick ante o Carballedo nun avultado marcador
17/abr./24
