O BNG do Corgo recolleu máis de 900 firmas de rexeitamento á nova Lei de Augas da Xunta de Galicia. Os nacionalistas oponse a esa norma ao considerar que en virtude da mesma os veciños deberán pagar pola auga das súas traídas e pozos particulares, entre outros prexuízos.
Así o indicaron desde o Bloque corgués a través dun comunicado, no que acusan o Goberno galego de manifestar agora, «nunha clara xogada electoral», que non se vai a aplicar de momento a nova normativa, tras o que o BNG advirte de que seguirá loitando «pola derrogación definitiva dunha lei que de seguro comezará a aplicarse despois dás eleccións municipais de maio».
O grupo municipal do BNG do Corgo recordou que a «frutífera» campaña de recollida de firmas foi a última dunha serie de iniciativas análogas nas que pretendeu concienciar dos prexuízos que, ao seu parecer, leva a Lei de Augas.
Nese sentido, no comunicado apuntouse que os nacionalistas presentaron unha moción no pleno municipal para que o Concello dirixísese á Xunta para pedir a derrogación da norma, iniciativa que foi apoiada por unanimidade. Ademais, o parlamentario do BNG Fernando Blanco e o candidato nacionalista á alcaldía, Mario Outeiro, deron unha charla para explicar as consecuencias da implantación deste «novo imposto que introduce o PP».
