O belga Thomas de Gendt (Lotto Soudal) impúxose na decimonovena etapa da Volta disputada entre Caso e Xixón cun percorrido de 149,7 quilómetros na que o británico Chris Froome (Sky) mantivo a camisola vermella de líder.
De Gendt, de 30 anos, alzou os brazos cun tempo de 3.35.46 horas, por diante do colombiano Jarlinson Pantano (Trek) e do español Iván García Cortina (Bahrain), o máis rápido no grupo de 9 corredores que disputaron a etapa.
O grupo de favoritos, despois de neutralizar un ataque de Contador, entrou na meta a 12.13 minutos do vencedor.
Sen cambios na xeral con Froome á fronte con 1.37 minutos de vantaxe sobre o italiano Vincenzo Nibali e 2.17 respecto ao holandés Wilco Kelderman (Sunweb). Contador segue quinto a 3.34 minutos.
A vixésima etapa dispútase este sábado entre Corvera de Asturias e o Alto de L'Angliru, cun percorrido de 117,5 quilómetros.
O belga De Gendt imponse en Xixón
Froome segue á fronte con 1.37 minutos de vantaxe na Volta sobre o italiano Vincenzo Nibali
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
