O comité de empresa do balneario de Guitiriz puxo onte á corrente ao persoal sobre a «crítica» situación que atravesan as instalacións tras pechar o mes de xaneiro cun balance negativo, tal e como lles transmitiu a administración concursal na reunión celebrada o pasado luns.
«Que se siga xerando débeda dentro do concurso de acredores é o peor que pode pasar», precisa un membro do comité de empresa, que adiantou o seu propósito de manter en breve un novo encontro cos administradores para saber se os números de febreiro tamén son negativos.