O Concello de Barcelona segue disposto a ceder Can Vies por dous anos

O Concello de Barcelona mantivo a súa oferta de ceder durante dous anos Can Vies ao colectivo que 'okupou' este inmoble desde 1997, a condición de que presenten un proxecto viable de reconstrución, asuman o seu custo e tramiten as licenzas oportunas.

A oferta do concello, que formulou en repetidas ocasións ao colectivo e este rexeitou, está condicionada a que dentro de dous anos o edificio será derrubado, porque está afectado pola construción dun viario.

Nunha rolda de prensa, o primeiro tenente de alcalde, Joaquim Forn, pediu ao propietario do inmoble desaloxado o pasado 26 de maio -Transportes Metropolitanos de Barcelona-, que asuma a retirada dos cascallos para que o fagan profesionais "de xeito seguro e estable" e evitar riscos a outras persoas.

Tras o desaloxo por orde xudicial o pasado 26 de maio, o consistorio comezou a derrubar o edificio, aínda que detivo esta operación dous días despois para buscar unha solución dialogada cos okupas.

Forn explicou que ante os informes técnicos que advirten dos riscos para as persoas se non se asegura a estabilidade do edificio e a correcta retirada dos cascallos, o goberno municipal ha decidido dar "este novo paso" para solucionar o conflito que a semana pasada foi causa de violentos disturbios durante varios días.

"Estamos convencidos que chegaremos a un acordo para desescombrar e sacar calquera elemento que afecte á seguridade", considerou Forn que recoñeceu a capacidade dos arquitectos do colectivo de Can Vies, cuxos ocupantes se reúnen en asemblea para debater a reconstrución.

Joaquim Form asegurou que o concello está disposto a deixar ao colectivo de Can Vies que reconstrúa o edificio, derrubado parcialmente, sempre que asuman o custo e fágano "dentro da legalidade".

O primeiro tenente de alcalde mostrouse disposto a sentar a negociar co colectivo de Can Vies agora que se dan as condicións obxectivas, xa que cesou a violencia" e a falar "de todo", sempre que se cumpran as condicións se seguridade e legalidade.