O vindeiro venres, día 18, ás 20.30 horas, o auditorio municipal Carmen Estévez de Vilalba acollerá a ópera ‘A Traviata', un espectáculo en tres actos de Giuseppe Verdi. O texto da famosa obra é de Francesco Maria Piave e está baseada na novela de Alexandre Dumas ‘A dama das camelias'.
A obra que chegará a Vilalba esta semana foi estreada no teatro A Fenice de Venecia no ano 1853.
Os interesados en asistir poden comprar a entrada, por nove euros, na oficina de cultura de 9.00 a 15.00 horas e no auditorio de 17.00 a 21.00.
