O alcalde pide axuda para cazar aos autores de pintadas insultantes

O alcalde ribadense, o nacionalista Fernando Suárez Barcia, enviou a unha brigada municipal a limpar algunhas das pintadas ameazantes e insultantes que apareceron días atrás en varias zonas da vila. Ao responsable da agrupación local do Partido Popular, Jesús López Penabad, constáballe onte que operarios municipais trataron de borrar as impresións que incitaban á violencia contra os integrantes da súa formación. Pero o rexedor advirte de que: "A restauración final correspóndelles aos propietarios deses edificios". Ademais, pide a colaboración veciñal para atrapar aos vándalos que as imprimen.