O alcalde de Salceda de Caselas, Marcos Besada, e os cinco concelleiros do seu partido déronse hoxe de baixa de militancia do BNG e permanecerán á fronte da corporación do municipio pontevedrés "formalmente" como concelleiros non adscritos co apoio da edil socialista Marina Cabaleiro.
O propio Besada confirmou a Efe que hoxe comunicou a súa baixa e a dos seus compañeiros á executiva nacional do BNG, cuxo portavoz, Xavier Vence, eludiu facer comentarios respecto diso ata ter toda a información, pois apenas tiña constancia de que "houbera ruído" no consello local de Salceda.
Besada non se pronunciou sobre a posibilidade de integrarse nalgunha das escisións do BNG, e remitiu todas as explicacións a unha rolda de prensa convocada para mañá na que "non recorreremos ás pantallas de plasma", remachou.
Fontes consultadas por Efe recordaron que tres dos concelleiros que hoxe comunicaron a súa baixa do Bloque pertencían a Máis Galiza antes de que se producise a escisión da coalición nacionalista.
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
