Unha nena resultou ferida ao chocar dous vehículos no punto quilométrico 23 da Autovía do Barbanza, no municipio coruñés de Boiro.
Segundo informou o 112 Galicia, o accidente tivo lugar ás 11.15 horas. Tras recibir a alerta, foron mobilizados os axentes de Tráfico e Protección Civil. Ademais, informouse o suceso aos Bombeiros da localidade e ao persoal do servizo de mantemento da estrada.
ATROPELO EN SADA. Por outra banda, outro menor resultou ferido ao ser atropelado en Sada. En concreto, o suceso tivo lugar á altura do número 42 da Avenida da Mariña.
Neste caso, o accidente tivo lugar ás 11.40 horas e diso foron informados o 061-Urxencias Sanitarias e a Policía Local. Tamén se avisou aos Bombeiros de Betanzos e aos efectivos de Protección Civil da localidade.
Dous menores resultaron feridos en senllos accidentes en Boiro e Sada
Ambos os sucesos tiveron lugar este mércores ao redor das once da mañá