Dúas persoas duns oitenta anos de idade encerelláronse na mañá de onte nunha acalorada discusión durante un xuízo celebrado no xulgado de primeira instancia e instrución, situado na Rúa Maior da vila sarriá.
O enfrontamento tivo lugar no transcurso dunha vista oral motivada por unha herdanza e nel viuse implicado un matrimonio, informaron algunhas fontes, segundo as cales a parella incluso chegou a golpearse durante a rifa.
Pola súa banda, un dos avogados que asistiu a unha das partes recoñeceu que os octoxenarios protagonizaron unha disputa, aínda que negou que chegasen ás mans.