A reunión mantida onte entre representantes de Xunta e Deputación para desbloquear o pago aos Grupos de Emerxencias Supramunicipais (GES) na provincia, aos que se lle deben achegas autonómicas de parte do 2013 e deste ano, non serviu para achegar posturas entre ambas as institucións, ao enrocarse nas súas posicións e negar calquera responsabilidade nesa demora.
Ante a falta de avances optaron por que sexan técnicos deses entes e dos concellos de Folgoso, Guitiriz e Quiroga, cuxa selección de persoal cuestiona a Deputación, os que busquen unha solución nunha reunión aínda sen data.
