Detido un marroquí en Sagunto por captación de combatentes para o Dáesh

A Policía Nacional detivo este luns en Sagunto (Valencia) a un marroquí integrado no aparello de captación de Dáesh dedicado ao adoutrinamento e traslado de combatentes xihadistas á zona de conflito.

O detido, un home de 47 anos en situación irregular en España, é o principal responsable de recrutar e enviar a Iraq en novembro de 2014 a un mozo marroquí de 26 anos, que residía coa súa familia en Sagunto, e que cometeu un atentado terrorista suicida que custou a vida a 33 soldados iraquís e causou decenas de feridos cun camión cheo de explosivos.

Actuaba como instigador dun grupo de persoas a quen ofrecía a súa vivenda para levar cabo reunións nas que visionaban material de carácter radical ademais de facilitarlles rutas de acceso a contidos de Daesh e instrucións para eliminar calquera rastro informático que representase un risco, informa o Ministerio do Interior.