Funcionarios do Corpo da Policía Nacional detiveron esta madrugada en Ourense a unha persoa como presunta autora dun delito de ameazas por esgrimir unha arma branca a un empregado dun bar da capital ourensá.
Segundo informou a Comisaría Provincial, os feitos ocorreron sobre a unha da madrugada, cando testemuñas informaron de que un cliente estaba a ameazar cunha arma branca a un empregado.
Desprazados ata o lugar, os axentes constataron a través de testemuñas presenciais que momentos antes, un cliente do establecemento tras establecer conversación cun dos empregados sacou unha navalla e ameazou "de forma reiterada con causarlle lesións coa devandita arma".
Ante estes feitos, os efectivos procederon á detención desta persoa como presunto autor dun delito de ameazas e ao seu posterior traslado á comisaría para continuar as dilixencias oportunas.
O detido, que pasou a disposición xudicial esta mañá, é un home de 27 anos de idade, veciño de Ourense, ao que lle constan un total de seis detencións anteriores por diversos feitos.
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
