O temporal de vento obrigou a desviar dous avións con orixe en Madrid e destino ao Aeroporto de Vigo, mentres que un terceiro avión que prevía despegar de Bilbao cara á cidade olívica foi cancelado.
Tal e como informaron fontes de Aena, a primeira incidencia produciuse no voo de Air Europa procedente de Madrid que tiña como hora prevista de chegada a Peinador as 8,55 horas deste xoves. Como consecuencia do mal tempo, o avión tivo que regresar á capital.
Así mesmo, o voo de Air Nostrum que debía aterrar en Vigo ás 10,55 horas, foi cancelado e non chegou a despegar de Bilbao.
Finalmente, o avión de Iberia procedente de Madrid que debía aterrar ás 12,30 horas en Peinador, tivo que ser desviado ao aeroporto de Santiago.
Desviados dous voos Madrid-Vigo e cancelado outro desde Bilbao polo temporal
O vento obrigou a Aena a tomar medidas cos tres avións con destino á cidade olívica
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
