O Centro Integrado de Formación Profesional de Ribadeo (Lugo) denunciou ante a Garda Civil a unha alumna por falsificar as notas para acceder a un módulo superior.
Segundo informaron a Europa Press fontes do instituto armado, o centro presentou hai unha semana unha denuncia por falsificación de documento público e a alumna foi imputada por falsidade documental.
O centro denunciou que unha alumna presentou unhas notas falsificadas para acceder a un módulo superior de FP sen ter superado o primeiro ciclo que lle acreditaría para eses estudos.
A Garda Civil, tras ser presentada a denuncia, acreditou que existía o delito de falsidade documental que se lle imputa á alumna coa documentación achegada polo centro.
Por iso, as dilixencias instruídas e a moza foron postas a disposición do xulgado pertinente.