Alberto García, presidente do Casino de Viveiro, que pon en marcha novas actividades en febreiro
¿Que novas actividades teñen preparadas?
Estamos a perfilar o programa para as próximas semanas e temos algunhas cousas, sobre todo de cara a febreiro. Empezaremos a facer os domingos polas mañás callos para os socios, a ver se veñen tomar un viño e regalámoslles a tapa de callos.
¿E para Entroido?
Haberá varias actividades. O Casino participa todos os anos cunha carroza e estamos a traballar no disfrace, que é secreto. Tamén temos pensado facer un taller de costura de disfraces para que a xente poida confeccionalos. Ademais haberá baile para nenos e maiores, e intentaremos facer unha festa inspirada nos 80 para que a xente vaia disfrazada ao Casino.
¿Intentarán captar máis socios?
Si, temos que renovar a campaña porque a do ano pasado non funcionou como queriamos. Cústanos un triunfo facer un socio e en contraprestación perdémolos, dáse de baixa xente maior e é difícil que a xente nova colla o compromiso de ser socio. Unha das nosas apostas é a pista de pádel, pero aínda estamos en negociacións con Portos.
