miércoles. 08.12.2021 |
El tiempo
miércoles. 08.12.2021
El tiempo

Currás asegura que a situación en Compostela ''normalízase''

O alcalde de Santiago, Ángel Currás, negou hoxe que o Concello se atope paralizado por mor da súa imputación e a doutros edís do seu goberno na operación Pokemon, á vez que dixo coincidir co secretario xeral do seu partido, Alfonso Rueda, na necesidade de axilizar o proceso.

Tras manter unha reunión coa directiva do equipo Santiago Futsal, declarou aos xornalistas que ve situación do concello  "normalízase", aínda que asegurou que a evolución das investigacións que "é unha situación que nós non podemos coñecer".

Respecto da parálise no labor do Goberno que admitiu á prensa un concelleiro, Ángel Currás negouno, e considerou que se interpretaron mal as palabras do edil. "Estamos a traballar todos", sinalou o alcalde, que puxo como exemplo a recepción esta mañá do equipo de fútbol sala.

En canto ás palabras do secretario xeral do PP que reclamaban transparencia e explicacións ao Goberno local de Santiago, comentou que falou con el e que se deu por satisfeito coas "explicacións que se lle deron".

O alcalde tamén falou da celeridade na instrución xudicial que Rueda pedira e asegurou que iso é algo "que desexamos todos, non só el, eu en primeiro lugar. A celeridade da xustiza é fundamental para resolver estas situacións".

Currás desmentiu as declaracións do portavoz socialista no Concello, Francisco Reyes, que apuntou a posibilidade do nomeamento de dous concelleiros non electos para tutelar a "incapacidade manifesta" do Goberno local.

"A falta de rigor do PSOE e do seu portavoz non ten límites; é tal que chegan a expor solucións surrealistas que nin se expuxeron", salientou o alcalde, que destacou o "descrédito" de Reyes, xa que as súas palabras "falan por si soas".

Por outra banda, Currás confirmou que o seguinte na lista do PP para substituír a Albino Vázquez, edil responsable de mobilidade que renunciou tras ser imputado e saír en liberdade con cargos na operación Pokemon, decidiu renunciar, polo que se incorporará o seguinte da candidatura, José Rosende, con todo o alcalde aclarou que non falou con el aínda, pero que "confía" en que acepte o posto de concelleiro.

Currás asegura que a situación en Compostela ''normalízase''
comentarios