Un consorcio formado por catro empresas galegas participa no programa Interconecta para recuperar as distintas variedades de castiñeiro existentes en Galicia e mellorar a calidade do froito, un proxecto impulsado pola Consellería de Economía e Industria, que conta cun investimento de 1,5 millóns.
O titular deste departamento, Francisco Conde, visitou este mércores as instalacións dunha desas empresas, Alibos, situada en Monterroso. O conselleiro destacou a aposta desta empresa pola internacionalización e a calidade "pondo en valor o rural galego".
Conde resaltou que a compañía, que acaba de obter o premio Aresa de desenvolvemento rural, exporta un noventa por cento da súa produción "aos principais mercados de Europa, América e Asia".
