Canto custa pór a lavadora ou usar a vitro co prezo actual?

Utilizar un par de horas a vitrocerámica para facer a cea saía este xoves por pouco menos dun euro cos prezos que marcou o megawatt, que chegou a superar os 95 euros entre as oito e as nove. Pór a lavadora, o lavalouzas ou pasar o ferro supuña algo máis de 0,30 euros. A estes prezos hai que sumar os custos fixos de electrodomésticos como a neveira ou o conxelador, que están sempre conectados, e os de manter iluminada a vivenda.

O consumo de cada lámpada acesa engade á factura 0,42 euros por hora. Trátase de cálculos realizados pola empresa especializada en comparar tarifas Selectra.

MENTALIDADE DE AFORRO. Só de madrugada os prezos da electricidade dan unha pequena tregua polo descenso da demanda. O resto do día é difícil reducir o gasto aínda con mentalidade de aforro.