A entidade francesa Crédit Mutuel, accionista de referencia do español Banco Popular cunha participación próxima ao 4% abandonou o consello de administración da entidade.
O Banco Popular comunicou á Comisión Nacional española do Mercado de Valores (CNMV) a renuncia do conselleiro en representación de Crédit Mutuel, François Martin, aínda que sen explicar os motivos.
A entidade española só explicou que a renuncia prodúcese tras a venda o pasado venres da participación do 48,98% que o Popular tiña en Targobank a Banque Féderative du Crédit Mutuel.
Con todo, esa transacción non impide que Crédit Mutuel, se segue sendo un accionista relevante, continúe no Consello de Administración do Banco Popular, polo que fontes próximas dan por feito que a entidade francesa reducirá significativamente a súa participación no banco español.
De feito, apuntan a que esta posibilidade puido contribuír ao esborralle da acción de Popular dos últimos días, xa que o xoves as accións do banco caeron un 17,9%, o venres un 17,4 %, e este luns, pouco despois do mediodía, retroceden un 12%, ata un novo mínimo histórico de 0,36 euros por título.
