Os incendios forestais rexistrados no municipio lucense de Samos e no ourensán da Peroxa están controlados tras queimar 20,4 e 37 hectáreas respectivamente, informou este martes a Consellería de Medio Rural.
Do mesmo xeito, tamén están controlados os lumes de Vilar de Barrio, Oímbra e Viana do Bolo, mentres que permanece activo outro en Viana do Bolo.
O incendio en Samos comezou ás 06:49 horas desta mañá na parroquia de Lóuzara e foi controlado ás 13:31 horas, coa participación de tres axentes forestais, oito brigadas, seis motobombas, unha pa, dous helicópteros e un avión.
Pola súa banda, o lume da Peroxa, na parroquia de Mirallos, quedou controlado ás 12:00 horas tras iniciarse ás 03:11 horas e contou cos labores de extinción de seis axentes forestais, oito brigadas, nove motobombas, dúas pas e tres avións.
O incendio que permanece activo é o rexistrado desde as 16:00 horas de onte en Viana do Bolo, tamén na parroquia de Peixeiros, que xa afectou a 216 hectáreas, delas 116 arboredos e 100 rasas.
Na extinción deste lume traballan catro axentes forestais, once brigadas, seis motobombas, cinco helicópteros e cinco avións, así como efectivos da Unidade Militar de Urxencia.
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
