Un incendio forestal que permaneceu activo ao redor de dez horas quedou controlado tras arrasar 35 hectáreas no municipio lucense de Quiroga, na parroquia da Seara.
O lume comezou ás 10:35 horas. Segundo informou a Xunta, quedou controlado sobre as 20,05 horas tras afectar a unha superficie dunhas 35 hectáreas de terreo en Rede Natura, a maioría de monte raso. Para sufocar as chamas traballaron 3 axentes forestais, 9 brigadas, 4 motobombas, 1 pa e 3 helicópteros.
A Consellería do Medio Rural e do Mar recordou que está a disposición da cidadanía a través do número de teléfono gratuíto 085, ao que se debe chamar en caso de detectar algún incendio forestal.
