Un incendio forestal que afectou a preto de 20 hectáreas quedou controlado esta tarde no concello lucense de Quiroga. Na súa extinción seguen traballando numerosos medios aéreos.
Medio Rural informou de que o lume comezou ás 14:28 horas na parroquia de Montefurado e calcúlase que a superficie afectada é maior a 20 hectáreas de terreo.
Nos traballos de control das chamas participan catro axentes forestais, oito brigadas, tres motobombas e unha pa, catro helicópteros e dous avións.