Continúa o refacho de sol

MeteoGalciia predicir para hoxe unha xornada de ceos despexados, salvo no norte de Lugo, onde se rexistrarán nubes no litoral, con posibilidade dalgún chuvasco ocasional.

A situación estará marcada polo anticiclón situado ao noroeste e unha baixa térmica centrada sobre a Península Ibérica, que achegará inestabilidade.

Pola tarde, aumentarán as nubes de evolución en zonas altas do sur onde tamén se poderán producir chuvascos tormentosos.

As temperaturas non experimentarán cambios significativos, con ascensos puntuais das mínimas na metade sur e das máximas no norte.

Os ventos soprarán frouxos de dirección variable pola mañá rolando a compoñente norte e con intervalos moderados no interior de Lugo e litoral atlántico.

As temperaturas nas principais localidades serán as seguintes:

A Coruña 17° 27°, Ferrol 18° 28°, Lugo 16° 27°, Ourense 19° 35°, Pontevedra 20° 29°, Santiago de Compostela 17° 28° e Vigo 19° 28°.

Predición marítima:

Costa Cantábrica: Vento do nordeste, forza 2 a 4 pola mañá e a noite e 3 a 4 pola tarde. Marejadilla pola mañá e a noite e marusía pola tarde. Visibilidade regular. Mar de fondo do noroeste, con ondas de 0,5 a 1 metros.

Ferrol- Bares: Vento do nordeste, forza 3 a 4 pola mañá e 4 a 5 pola tarde e noite. Marusía pola mañá e forte marusía pola tarde e a noite. Visibilidade regular pola mañá e boa pola tarde e noite. Mar de fondo do noroeste, con ondas de 0,5 a 1 metros.

Ártabro: Vento do nordeste, forza 4 a 5 pola mañá e a noite e 5 a 6 pola tarde. Forte marusía. Visibilidade regular pola mañá e a noite e boa pola tarde. Mar de fondo do noroeste, con ondas de 0,5 a 1 metros.

Costa da Morte: Vento do nordeste, forza 4 a 5 pola mañá e 5 a 6 pola tarde e noite. Forte marusía pola mañá e a tarde e mar grosa pola noite. Visibilidade boa. Mar de fondo do noroeste, con ondas de 0,5 a 1 metros.

Rías Baixas: Vento variable pola mañá, do noroeste pola tarde e do norte pola noite, forza 2 a 3 pola mañá, 3 a 5 pola tarde e 4 a 5 pola noite. Marejadilla pola mañá, marusía pola tarde e forte marusía pola noite. Visibilidade boa. Mar de fondo do noroeste, con ondas de 0,5 a 1 metros.