Contador rabuña tempo e Chris Froome sobrevive

O español atacou a 23 quilómetros e recortoulle 22 segundos a Nibali e 42 ao líder, que sufriu unha caída e unha avaría ► Marczynski gañou a etapa
Froome sufre
photo_camera Froome sufre

O polaco Tomasz Marczynski (Lotto-Soudal) foi o vencedor da duodécima etapa da Volta a España disputada entre Motril e Antequera, de 160,1 quilómetros, na que o británico Chris Froome (Sky), mantivo o liderado a pesar de sufrir unha caída e dúas avarías e perder tempo con respecto a Nibali e Contador.

Marczynski, de 33 anos, gañador da etapa de Sagunt, asinou o dobrete en solitario cun tempo de 3h.56.45, con 52 segundos de adianto sobre os españois Omar Fraile (Dimension Data) e José Joaquín Rojas  (Movistar), integrantes do grupo de 14 corredores que protagonizaron a fuga do día.

Alberto Contador (Trek), escapado do grupo de favoritos nos últimos 23 quilómetros tras atacar no Torcal, que se coroaba a 17 quilómetros de meta, entrou a 7.25 minutos, e avantaxou en 22 segundos ao grupo do italiano Nibali e 42 a Chris Froome, que sufriu unha caída e unha avaría no descenso. 

Na xeral Froome mantívose á fronte con 59 segundos sobre Nibali, 2.13 sobre o colombiano Esteban Chaves e 2.16 por diante de David de la Cruz, cuarto e primeiro español. Contador é noveno a 3.13.

A décimo terceira etapa dispútase este venres entre Coín e Tomares cun percorrido de 198,4 quilómetros. 

Comentarios