Trinta e dous avións sobrevoaron onte a cidade da Coruña no I Festival Aéreo Internacional que contou coa visita de máis de cen mil persoas desde que comezaron as súas actividades o pasado 10 de xullo.
O pasado mediodía, entre as 12.00 e as 14.30 horas, desenvolveuse o voo de exhibición das aeronaves no paseo marítimo entre a Torre de Control e o Club do Mar, tras dous días de adestramentos, que animaron a asistencia de case 10.000 espectadores neste ‘air show'.
En colaboración co Ministerio de Defensa e a participación dunhas 250 persoas, a patrulla Águila, un referente no mundo aeronáutico, impresionou coas súas acrobacias, xunto á patrulla Aspa ou a patrulla Rafale, a estrela da aviación naval francesa, ou o equipo Bravo3 Repsol.
