A Coordinadora para o Estudo e a Protección das Especies Mariñas (Cepesma) denuncia o importante dano que os residuos humanos causan na fauna mariña, especialmente nos cetáceos. A crítica reitérase esta vez tras a necropsia realizada pola coordinadora a unha cativa de cachalote ao que atoparon no seu estómago e intestino restos de redes do arrastre que lle provocaron unha «morte agónica».
A Cepesma denuncia que restos de aparellos e unha infinidade de residuos plásticos son abandonados diariamente no mar e, pola súa lenta degradación, cantidade deles acaban nos estómagos de mamíferos mariños ou enredados nos corpos de aves e tartarugas ata causarlles a morte, para estes últimos animais son especialmente letais os aros de plástico,s como os que unen as latas de refrescos.
«En moitas ocasións cando intentamos saber as causas da morte dun golfiño, tartaruga, balea ou cachalote sentimos unha impotencia singular polos danos que sistematicamente somos capaces de causar á vida mariña e ao que non pomos remedio algún», di Luís Laria, coordinador da Cepesma. Anualmente vértense ao litoral preto dunha tonelada de residuos de toda índole por quilómetro cadrado, «plásticos e derivados configúranse como unha das secuelas máis funestas para a vida mariña», di.
