Silva non presentará no Parlamento galego as contas da Deputación

A Deputación de Pontevedra comunicou este martes ao presidente do Parlamento galego, Miguel Santalices, a decisión do goberno provincial de non comparecen ante a cámara autonómica para presentar o seu orzamento para 2018.

A comparecencia da súa presidenta, Carmela Silva, estaba prevista para o vindeiro venres 3 de novembro na comisión de Economía, Facenda e Orzamentos do Parlamento.

Nun comunicado, Silva recorda que "en aras da autonomía local" a Deputación só ten que dar conta e cometer os seus orzamentos ao pleno da institución provincial.

"Os tempos nos que se pretendía controlar ás administracións locais chegaron ao seu fin", engade a presidenta da Deputación de Pontevedra, que reclamou que "se respecte" o marco constitucional e legal.

Nas súas dúas últimas comparecencias, en 2015 e 2016, Carmela Silva asegura acudir como "xesto de cordialidade" e en ambas lamenta ser vítima de "ataques políticos" que "en ningún caso" estaban relacionados co orzamento da Deputación. O goberno provincial trasladou entón ao presidente da Cámara galega, Miguel Santalices, o seu "malestar" polo trato recibido na comisión parlamentaria "sen obter ata agora nin tan sequera unha desculpa".

A titular da deputación pontevedresa ofrece, con todo, "lealdade institucional" para manter coa Xunta de Galicia "tantas reunións como sexan precisas" na procura de acordos que permitan o crecemento da provincia de Pontevedra.

Aproveita Carmela Silva ademais para criticar a situación "discriminatoria" que sofre a provincia de Pontevedra por parte do goberno galego que, asegurou, repítese entre os concellos de "gran parte" da comunidade, en comparación coa Deputación de Ourense ou os municipios gobernados polo PP.