Un total de 3.380 persoas en risco de exclusión social e de ruptura económica foron atendidas na comarca mariñá o pasado ano por Cáritas, a organización humanitaria da Igrexa católica, que destinou a 88 voluntarios de diversas agrupacións para apoiar os máis necesitados.
Das persoas que axudaron na zona, máis da metade corresponden o arciprestazgo de Ribadeo, onde se contabilizaron un total de 2.000 actuacións. Séguenlle en número as 927 realizadas no arciprestazgo de Mondoñedo, onde están activas un total de sete agrupacións de Cáritas: San Martiño de Mondoñedo e Santiago (Foz), Santiago (Mondoñedo), Santa María (Burela), Santa María de Vilanova (Lourenzá) e a do Valadouro e Alfoz, que funcionan unidas. A elas, hai que sumar as da zona de Viveiro, con cinco agrupacións con sedes nos municipios de Cervo, Xove e Viveiro.
