Un veciño de Antas de Ulla, J.B.F. de 75 anos de idade, faleceu este venres nun accidente de circulación causado pola caída dunha rama dunha árbore sobre o seu coche, cando viaxaba por unha estrada de Melide.
O falecido ía nun turismo coa súa muller, D.P.B., de 73 anos, pola estrada AC-840, en dirección a Agolada. Pouco despois do campo de fútbol, desprendeuse unha rama dun eucalipto sobre a estrada, impactou directamente sobre o vehículo e esmagoulle a parte dianteira, provocándolle ao condutor a morte ao instante.
Tras o impacto, o coche avanzou sen control uns 200 metros, primeiro pola beiravía, amparado pola varanda da estrada, e cando este se acabou, saíuse da vía e parou contra unha árbore.
A muller que viaxaba de acompañante non sufriu danos de consideración, pois o golpe da rama concentrouse na parte do condutor e cando o coche se saíu da vía xa perdera velocidade e o impacto foi leve.
Efectivos de Protección Civil de Melide, Policía Local, bombeiros de Arzúa e persoal sanitario auxiliaron aos accidentados e traballaron para despexar a estrada. O labor foi complicada porque tiveron que retirar a rama que causou o accidente, de grandes dimensións e que se atravesou na vía.
SARRIA. Dúas persoas, veciñas do Páramo e Becerreá, recibiron asistencia médica tras unha colisión de vehículos rexistrada este venres, sobre as 18.30 horas, na estrada de Sarria a Becerreá, cerca do polígono do Morelle. Un dos vehículos incorporábase á estrada e chocou con outro que circulaba pola vía, resultando ambos con cuantiosos danos materiais.
Cervantes: Unha moza sufre un traumatismo craneoencefálico ao caer dun prado a unha vía
A caída dunha rama sobre un coche causa un accidente mortal en Melide
O home tiña 75 anos e viaxaba coa súa muller, ambos eran veciños de Antas de Ulla,
Dianteiro do Friol
Daniel Roca Couso marcou un hat trick ante o Carballedo nun avultado marcador
17/abr./24
