O ministro de Xustiza, Francisco Caamaño, asegurou este venres que o problema dos incendios forestais "non se arranxa subindo as penas", que castigan aos autores dos lumes intencionados con condenas de 10 a 20 anos de prisión.
Caamaño sinalou que a dureza do Código Penal é suficiente", e emprazou ao Goberno galego a pór en marcha "boas políticas forestais, coidados nos montes" para paliar a vaga de incendios que afectan á Comunidade Autónoma, especialmente na provincia de Ourense.
"Cando un fai iso, pode combater os lumes e evitalos", asegurou.
O ministro facía estas declaracións aos xornalistas nas Pontes, unha localidade mineira do interior da Coruña onde desprazouse este venres para pronunciar unha conferencia sobre igualdade en Galicia na Casa Dopeso.