Buscan un mozo que provocou un incendio en catro locais de Baiona

A Garda Civil e a Policía Local buscan un mozo que supostamente provocou varios incendios en Baiona. Concretamente, en catro establecementos de hostalería e un domicilio do barrio histórico. Os lumes provocaron danos materiais leves e non chegaron a afectar o interior dos locais.

Segundo informa TVG, os danos máis aparatosos rexistráronse nunha brasería situada na rúa Conde. Na mesma rúa tamén prendeu lume ao toldo doutro local e intentou que se propagase a outra vivenda onde durmía unha familia.

Segundo as primeiras investigacións, trátase dun mozo encapuchado que actúa en solitario. Ao parecer, empregou algún tipo de combustible para propagar as chamas.