O deputado socialista José Blanco defendeu que desde que el non está á fronte do Ministerio de Fomento todos os proxectos que estaban previstos para Monforte e a súa comarca están «paralizados», ao non avanzar nadiña de nada.
Blanco fixo estas reflexións nun encontro cos responsables do PSOE na comarca, cos que tamén abordou a media ducia de emendas referidas á zona que presentou aos Orzamentos do Estado. Segundo denunciou, «ningunha foi tida en conta».Nesas emendas, o socialista pedía dotacións orzamentarias para a autovía A-76, a nova ponte sobre o río Cabe, a liña ferroviaria a Lugo ou a autovía de Monforte a Chantada.