A española Mireia Belmonte gañou a medalla de ouro nos 200 bolboreta cunha marca dos continentais e outro nacional, nos Campionatos de Europa de Berlín, nunha final na que a compatriota Judit Ignacio foi medalla de prata. O bronce foi para a húngara Katinka Hosszu.
Esta é a segunda medalla de ouro da nadadora de Badalona nos campionatos de Europa. Belmonte é subcampioa olímpica desta distancia.
Pouco máis tarde a catalá repetía cun bronce, esta vez nos 400 libre, por detrás da británica Francesca Halsall e da holandesa Sharon Rowendaal e nunha proba na que outra española, Melani Costa, foi sexta.
Na carreira de bolboreta, Mireia parou o crono en 2:04.79 para rebaixar a marca dos campionatos continentais que estaba en poder da polaca Otylia Jedrzejczak que estaba vixente desde 2002 con 2:05.78 tamén na capital alemá. Tamén bateu a marca nacional que ela mesma tiña en 2:04.78 desde agosto do ano pasado.
Judit quedou a 1.87 e Katinka a 2.49. Outra húngara, Zsuzsanna Jakabos, tocou o muro da piscina berlinesa na cuarta praza, a 3.24 da campioa española.
Nos 50 libre femininos, a máis rápida foi a británica Francesca Halsall que se fixo co ouro con 24.32, seguida pola sueca Sarah Sjoestroem con 24.37 e da danesa Jeanette Ottesen con 24.53.
Nesta especialidade en categoría masculina, Florente Manaudou asombrou cun tempazo: 21.32. A mellor marca mundial do ano.
Tras o campión olímpico tocaron o muro da piscina do Velodrom berlinés o polaco Konrad Czerniak, que adestra en España, e o finlandés Ari-Pekka Liukkonen con 21.88 e 21.93, respectivamente.
Manaudou bateu a marca dos campionatos que estaba en poder do seu compatriota Frederick Bousquet con 21.36 desde os Europeos de Budapest de 2010.
A lituana Ruta Meilutyte subiu todo o máis alto do podio nos 50 metros braza. A sueca Jennie Johasson fíxose coa prata e a holandesa Moniek Nijhuis a 0.63 e 0.75, respectivamente, dos 29.89 da báltica.
Dianteiro do Friol
Daniel Roca Couso marcou un hat trick ante o Carballedo nun avultado marcador
17/abr./24
