Os alcaldes de Begonte, Outeiro de Rei, Rábade, Guitiriz e Xermade asinaron onte o convenio que permitirá que, por segundo ano consecutivo, compartan un servizo de prevención de drogodependencias. Este centro creouse en 2008, polos tres primeiros concellos, e a adhesión dos dous restantes, no 2013, foi clave para garantir a súa continuidade.
Coa renovación dese acordo, sentan as bases para consolidar un servizo que, entre outras funcións, nos últimos meses incidiu na sensibilización no ámbito escolar.
Durante este curso, desde este servizo promovéronse charlas nos nove centros educativos existentes nestes municipios.
