O alcalde de Burela, José María González Barcia, mantivo un encontro coa ministra de Fomento, Ana Pastor, en Madrid no que, entre outras cuestións, abordaron o xeito en que afectará o trazado do corredor Barreiros-San Cibrao ao desenvolvemento do municipio. Neste sentido, o Plan Xeral de Ordenación Municipal (PXOM) que foi aprobado o pasado día 1 contempla o trazado aprobado durante a época de José Blanco á fronte do ministerio e contra o que o Concello alegou no seu momento.
Ata agora, a tramitación segue adiante de acordo a ese trazado e está na fase de declaración do impacto ambiental, aínda que é certo que as últimas declaracións do ministerio neste sentido situaban este viario nun plan de infraestruturas estatal que fixaba como límite de execución para as estradas citadas en 2024.
