A Asociación Unificada de Gardas Civís ve insuficiente a oferta na provincia de Lugo

A Asociación Unificada de Gardas Civís (AUGC) afirma que a oferta de vacantes para a provincia de Lugo dentro do corpo queda "a anos luz de cubrir as necesidades" deste territorio, porque contempla 15 prazas e só unha delas está asignada a Seguridade Cidadá.

O colectivo precisou que se publicaron catro vacantes para a Patrulla Fiscal de Foz, dúas para as prisións de Bonxe e Monterroso, catro para o Subsector de Tráfico de Lugo, unha para o destacamento de Tráfico de Monforte e outra para o Seprona, así como unha para Seguridade Cidadá, concretamente para o posto de Mondoñedo.

"Isto é unha mostra máis do que levamos anos denunciando e reclamando", afirma o secretario xeral da AUGC en Lugo, Óscar Fustes, quen ante o "escaso persoal" volvía expor a posibilidade de reagrupar "unidades co peche de cuarteis con menos de dez efectivos".

Insiste en que é necesario que en Lugo se cubra "o 100%" das prazas, tamén porque "o persoal está cada vez máis envellecida".