Un incendio rexistrado na mañá deste martes queimou por completo un alpendre anexo a unha vivenda en Oural, o municipio de Sarria, pero non houbo feridos.
Segundo a información facilitada polo 112 ás 7.02 horas a Policía Local alertou de que ardía un alpendre en Oural, polo que foron mobilizados os Bombeiros de Sarria, que extinguiron rapidamente o lume.
As mesmas fontes indicaron que ardeu por completo o alpendre anexo a unha vivenda onde se acumulaban leña, pero non houbo persoas afectadas.
Ademais, debido á proximidade da vivenda e o alpendre á vía do tren, o Centro de Seguridade de Renfe expuxo a posibilidade de cortar a circulación ferroviaria na zona polo incendio, pero finalmente non foi necesario, xa que foi extinguido con rapidez.
