Varias pintadas ofensivas contra a presidenta da Deputación de León, Isabel Carrasco, apareceron esta mañá na pasarela sobre o río Bernesga, en León, na que foi asasinada de varios disparos o 12 de maio, e que foron borradas rapidamente operarios municipais.
A Policía investiga a identidade dos autores destas pintadas, que se supón que foron feitas durante a madrugada, segundo informaron fontes municipais.
Os dúas pintadas rezaban: Aquí morreu un bicho e Aquí morreu unha cazique. Foron escritas en tinta negra e ocupaban transversalmente boa parte da pasarela peonil.
Pola súa banda, a Deputación de León acordou hoxe conceder a título póstumo a Medalla de Ouro da Provincia a Isabel Carrasco, en recoñecemento á "súa intensa traxectoria profesional e política" e o seu "compromiso" polo desenvolvemento económico, social e cultural da provincia.
A institución, tras o crime que acabou coa vida de Carrasco, afirmou que a súa figura reúne os requisitos que se establecen no Regulamento de Honras e Distincións da Deputación de León que premia "merecementos excepcionais e servizos destacados", segundo un comunicado de prensa.
Desta forma, púxose de relevo para conceder esta distinción a súa "dilatada e exemplar carreira como servidora pública", durante a que liderou proxectos "xeradores de riqueza e progreso" para a sociedade leonesa, a que defendeu en busca "dun futuro máis xusto e solidario" para os seus pobos.
Por iso, a corporación provincial aprobou iniciar o expediente para a concesión da Medalla de Ouro da Provincia, que recentemente foi concedida na súa última edición a Asprona, con motivo do cincuenta aniversario do nacemento do colectivo de afectados por Síndrome de Down.
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
